Ауыл келбеті ретке келтірілуде
Көларық ауылдық округі орталығында орналасқан Аманкелді батыр көшесінің бойындағы бұзылған үйлердің орнында қалған үйінді қалдықтар айналаның сұрқын кетірген болатын. Осыған орай құрылыс қалдықтарын жойып, ауыл келбетін ретке келтіру жолдары оңтайлы қарастырылды.Аталған шаруа оң шешімін тауып, жоғары сыйымдылықты жүк көлігімен 18 рейс құрылыс қалдығы жаңадан салынған полигонға шығарылды.
Алдағы уақытта құрылыс нысанын бұзған жағдайда айналасын немесе жаңадан салынып жатқан құрылыс аумағын таза ұстау жөнінде ауыл тұрғындары құлағдар етілді. Оларға қоршаған ортаға нұқсан келтірмей, бастапқы қалыпты бұзбай, абаттандыру қағидаларын сақтау талаптары түсіндірілді.
Айнұр ЖИЫЛЫСҚЫЗЫ
