«Darmen» қосымшасы іске қосылды
Қазалы ауданының Төтенше жағдайлар бөлімі смартфондар мен планшеттерге арналған «Darmen» тегін мобильді қосымшасының облыс аумағында іске қосылғаны туралы хабарлайды. Қосымша Android және iOS операциялық жүйелері үшін құрылған және Қызылорда облысы аумағында «Төтенше жағдай қаупі және туындауы туралы халықты бірнеше секунд ішінде жаппай хабардар етуге мүмкіндік береді. Қазіргі уақытта «Қазгидрометтің» мәліметтері жөнелтілуде. Сондай-ақ жақын уақытта облыс тұрғаныдарына, соның ішінде мектеп жасындағы балалардың ата-аналары үшін балаларының қауіпсіздігі, елді мекендердегі электр жарығының өшірілуі туралы және тағы басқа маңызды хабарламаларды тарату жоспарлануда.
«Darmen» қосымша SMS-хабарламамен бірге пайдаланылуда. Қосымшаны «App Store» және «Play Market» ұялы телефондарына арналған қолданбалар дүкендерінен жүктеп алуға болады.
Мобильді қосымша Android және iOS операциялық жүйесі базасында смартфондар мен планшеттердің барлық иегерлерін қазақ, орыс және ағылшын тілдерінде жүктеу үшін қолжетімді. Қазалы ауданының Төтенше жағдайлар бөлімі «Darmen» қосымшасын жүктеп, алдағы уақытта пайдалануларыңызды сұрайды.
Дархан ШАКЕН,
Қазалы ауданының
Төтенше жағдайлар бөлімінің бас маманы,
азаматтық қорғау майоры
