Цифрландыру бағытында елдегі көлік саласында ірі жоба жүзеге асырылуда. Соның бірі – KazWay мобильді қосымшасы. Ол анықтама қызметін атқарады.

«Қосымшада республикалық жолдардың бойында орналасқан қызмет көрсету нысандары туралы ақпараттар қамтылған.

Яғни, қосымша арқылы туристік орындарға ешқандай қиындықсыз жетуге болады. Осылайша, KazWay ішкі туризмді дамытуға азды-көпті үлесін қоспақ.

KazWay жолаушыға бағыт-бағдар беріп отырады. Қосымшаның көмегімен қонақ үй, автотұрақ, жанар-жағармай құю стансасын, дәмханалар, техникалық қызмет көрсету орталықтары және медициналық көмек қажет болған жағдайда қосымшаның қызметіне жүгінуге мүмкіндік бар.

Бұдан бөлек, көлік бұзылған жағдайда, KazWay арқылы эвакуатор шақыруға да мүмкіндіктер қарастырылған.

Ескеру:

KazWay мобильді қосымшасы - iOS нұсқасы мен Android нұсқасына да қол жетімді болады.