Басқарма басшысы Қазалыда болды
Қазалы ауданына облыстық ауыл шаруашылығы басқармасының басшысы Қамбарбек Мүбараков келіп, бірқатар нысандарды аралады.Ауыл шаруашылығы басқармасының басшысы алдымен Әйтеке би кентіндегі балық өңдеу цехында болып, оның жұмысымен танысты. Мұнда жеке кәсіпкер Төребек Игіліков цех ішінде өнім өңдеуге арналған соңғы үлгідегі технологиялық жабдықтармен жасақталған бөлмелерді таныстырып, барлығы да бүгінгі күннің талабына сай екендігін жеткізді.
Мұнан соң Қамбарбек Аманкелдіұлы Қызылорда облысы мен Қазалы ауданының құрметті азаматы Самұрат Имандосов басқаратын «РЗА» АҚ-ның тауарлы сүт фермасында, Мерей Есқожаевтың күріш өңдеу цехында және Ақтан батыр ауылындағы «Сыр маржаны» ЖШС-ның бордақылау алаңында болды.
Облыстық ауыл шаруашылығы басқармасы басшысы Қамбарбек Мүбараковтың ауданға сапары кезінде аудан әкімінің орынбасары Бақытжан Жарылқап пен аудандық ауыл шаруашылығы бөлімінің басшысы Нұрлан Аманбай бірге жүріп, ауданда ауыл шаруашылығы саласында атқарылып жатқан жұмыстардың барысымен таныстырды.
Қазалы ауданы әкімінің баспасөз қызметі
