10 қазан – Қазақстан Кәсіподақтары күні мерекесіне орай Қазалы аудандық білім бөлімі және аудандық кәсіподақ комитетінің ұйымдастыруымен мерекелік кеш өткізілді. Шара барысында бірқатар ұстаздар мен сала ардагерлеріне ҚР Президенті Қасым-Жомарт Тоқаевтың «Алғыс хаты», ҚР Кәсіподақтар федерациясының «Құрмет грамотасы», «Қазақстандық салалық білім және ғылым қызметкерлері кәсіподағына сіңірген еңбегі үшін» төс белгісі, Қазақстандық салалық білім және ғылым қызметкерлерінің кәсіподақ комитетінің «Құрмет грамотасы» және Облыстық білім және ғылым қызметкерлері кәсіподақ комитетінің «Құрмет грамотасы» мен «Алғыс хаты» табысталды. Сонымен қатар, «Жаз 2019» мектеп жанындағы күндізгі тынығу лагерлерін жоғары деңгейде ұйымдастырғаны үшін №94, №103, №249 мектеп жанындағы лагерлері марапатталды. Шара соңында аудан өнерпаздары кеш қонақтарына концерттік бағдарламасын ұсынып, мерекелік көңіл-күй сыйлады.