Өнеріңді бағала
Жуырда «Қазалы арнаулы әлеуметтік қызметтер көрсету орталығы» КММ-де қызмет алушыларға арналған ұжым өнерпаздарының «Өнеріңді бағала» атты шара өтті. Айтулы кеште ұжым өнерпаздары ән салып, өлең оқып, би билеп қызмет алушыларды тәнті етті.Айта кетерлігі, шараға белсене атсалысқан Х.Қиымбаева, Ә.Баймұрат, Р.Тубабергенова, И.Надирова, А.Бекетова, А.Әбдікерова, Ж.Альшоразова, Ж.Әбуов, Қ.Утегенов секілді қызметкерлер кеш көрігін қыздыра түсті. Концерт үстінде осы ай ішінде туылған қызмет алушылардың құрметіне ән арналып, сый-сияпат табыс етілді. Жиынға қатысқан мекеме басшысы Ж.Жакенов ұжым өнерпаздарына қызмет алушылар мен ұжым мүшелері атынан ризашылығын білдірді.
Г.САЙЛАУОВА,
Әлеуметтік жұмыс жөніндегі маман
