Алаяқтықтың адымы қысқарды

Статистикалық мәліметке сәйкес, 2018 жылы алаяқтыққа қатысты 19 қылмыстық құқық бұзушылық тіркелсе, 2019 жылдың 7 айында 3 қылмыс орын алған. Жоғарыдағы қылмыс түрі тергеп-тексеру нәти­жесімен 4-еуі сотқа,1-еуі тергеу реттілігіне сәйкес Қызылорда қалалық полиция басқармасына жолданды. 8-і жәбірленушілермен татуласуына орай тоқтатылып, 9-ның тергеу мерзімі үзілген.

Алаяқтық қылмыс жасаудың негізгі тәсілдерін талдасақ, 6-ы жұмысқа орналастырамын, 1-еуі автокөлік әкеліп беремін, 5-еуі несие алып беремін, 3-еуі ұялы телефонын сөйлесуге сұрап алу арқылы, 2-уі банкоматтан ақша алып беремін деп өзіне аударып алған, 1-еуі ем жасайтынын айтып, алтын бұйымдарын алдап алса, 1-еуі қылмыстық істі жабуға көмектесемін, 1-еуі интернет арқылы тауар алу кезінде ақшасын аударып жіберген, 2-еуі алтын бұйымдарын сеніміне кіріп алдап алған.

Бұл ретте аудандық прокура­тураның бастамасымен аудан әкімдігі және аудандық полиция бөлімімен бірігіп, «Қазалы ауданы көлемінде меншікке қарсы (алаяқтық) күресті тиімді жүргізу мақсатында» іс-шара жоспары бекітілген. Осы ретте аудан көлемінде алаяқтық қылмысы бойынша профилактикалық жұмыстарды жүргізу мақсатында «Алаяқтық арбауынан сақ болыңыздар» тақырыбында бұқаралық ақпарат құралдары бетін­де мақала жарияланды. Халық көп шоғырланатын жерлерге бильбордтар ілінді. Қала, кент және ауыл округ­терінде алаяқтық қыл­мы­стың алдын алу мақсатында түсіндірме жұмыстары жүргізілді. Ғалам­тор жүйесі арқылы әлеуметтік блогерлердің мүмкіндіктері қолда­нылды.

Сонымен бірге аудан әкімдігі жанындағы құқық бұзушылық профилактикасы жөніндегі ведомствоаралық комиссия отырысында алаяқтықтың алдын алу мақсатында тиісті орган­дарға тапсырма берілді.

Жарқын іс – жақсылыққа бас­тайды. Аудандық прокуратураның атқарған жүйелі жұмыстарының арқасында алаяқтық қылмыс 19-дан 3-ке немесе 84 процентке азайғаны байқалып отыр.

Қазалы аудандық прокуратурасының

прокуроры