Қазалы Qazaly.kz ақпараттық агенттігі
» » Ауылдардың проблемаларын шешуге 30 млрд теңге бөлінеді

Ауылдардың проблемаларын шешуге 30 млрд теңге бөлінеді

Қала маңындағы ауылдардың проблемаларын шешуге 30 млрд теңге бөлінеді. Бұл туралы Сенат отырысында Қаржы министрінің міндетін атқарушы Берік Шолпанқұлов айтты.

«Бюджет нақтылаудың негізгі бағыты – Президенттің жаңа әлеуметтік шараларын іске асыру. Оларға биылғы жылы 481,3 млрд теңге бөлінді. Олар мынадай іс-шаралар бойынша: бірінші – 2019 жылы 261,3 млрд теңге шығыстар азаматтардың жекелеген санаттарын әлеуметтік қолдауды күшейтуге жіберілді. Екінші – «Нұрлы жер» бағдарламасы аясында 100 млрд теңге шығыстар аз қамтылған отбасыларды тұрғын үймен қамтамасыз етуге бағытталады. Үшінші – 90 млрд теңге шығыстар өңірлік инфрақұрылымды дамытуға арналады. Олар жергілікті жолдар желісін дамытуға, сумен жабдықтауға, су бұру мен су шаруашылығына, газбен жабдықтау мен электр энергетикасына бағытталады», - деді Берік Шолпанқұлов.

Оның айтуынша, жаңа бағыт бойынша ірі қалалардың шет аймағының проблемаларын шешуге биылғы жылы 30 млрд теңге бөлінеді.

«Оның ішінде Нұр-Сұлтан қаласы мен Ақмола облысының қала маңындағы ауылдарына 15 млрд теңге, Алматы қаласына 10 млрд теңге және Шымкент қаласына 5 млрд теңге бөлінеді. Төртінші – 2019 жылға арналған 30 млрд теңге шығыстар «Ауыл – ел бесігі» жаңа арнайы жобасын іске асыруға бағытталады», - деді Берік Шолпанқұлов Сенат отырысында.

Атап өтсек, Сенатта «2019-2021 жылдарға арналған республикалық бюджет туралы» ҚР Заңына өзгерістер мен толықтырулар енгізу туралы» ҚР Заң жобасы қаралуда.

Қымбат ЕЛТАЙҚЫЗЫ
08 сәуір 2019 ж. 1 138 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031