Алдағы үш жылда ірі қалаларда баспана салуға қосымша 90 млрд теңге бөлінеді
2019-2021 жылдары Қазақстанның ірі қалаларында баспана салуға қосымша 90 млрд теңге бөлінеді, деп хабарлайды ҚазАқпарат тілшісі.«Баспанаға мұқтаждық - әлемнің ірі қалаларында да бар мәселе. Мексика мен Үндістанда болғандар біледі. Адамдар жұмыс үшін ағылып келеді, ал баспана жоқ. Мемлекет те бәріне бере бермейді. Сондықтан, Қазақстандағы ірі қалалар үшін 2019-2021 жылдары қосымша 90 млрд теңге бөлінеді», - деді Президент Астанадағы «Нұр Отан» партиясының кезекті XVIII съезінде.
Сонымен бірге, Президент кіші және моноқалаларды дамыту үшін де жылына 10 млрд теңгеден үш жыл бойы қосымша қаражат бөлінетінін хабарлады.
