Калифорнияда алапат өрт бір қаланы жойып жіберді - БАҚ

АҚШ-тың Калифорния штатының солтүстігінде орналасқан Парадайс қаласы орман өрті салдарынан жойылып, мыңдаған үй өртеніп кетті, - деп хабарлайды РИА Новости.

Өрт бейсенбіде таңғы уақытта басталды. "Бүкіл қала өртке оранды. Бұл сұмдық жағдай", - деді қалалық кеңестің мүшесі Скотт Лоттер.

Осыған дейін Парадайс билігі барлық тұрғынның (27 мың тұрғын) эвакуацияланғанын айтқан еді. Жалпы сол өңірден 50 мыңға жуық адам эвакуацияланған.

CNN мәліметінше, Калифорния штатындағы үш орманнан шыққан өрттің салдарынан 15 мың гектар жерді от шарпыды, тұрғындар мен өрт сөндірушілер арасында зардап шеккендер бар.