Ресей жаңа зымыранды сынақтан өткізді
Қазақстанның Сарышаған полигонында ресейлік зымыранға қарсы қорғаныс жүйесінің (ЗҚЖ) жаңа зымыраны сынықтан өткізіліп, ұшырылды. Бұл туралы «Красная звезда» басылымы жазды, деп хабарлайды Bаq.kz ақпарат агенттігі.ӘҒК әуеге қарсы және зымыранға қарсы қорғаныс бірлестігі командирінің орынбасары генерал-майор Андрей Приходько хабарлағандай, зымыран алдына қойған міндетті жақсы атқарып шықты және бекітілген уақытта шартты нысананы жойды.
Айта кетейік, Ресейде зымыранға қарсы қорғаныс жүйесін құру үлгілері соншалықты көп емес.
Атап өтсек, қару секундына төрт шақырым жылдамдықпен ұша алады.
Басылымның ақпараты бойынша жаңа зымыранды сынақтан өткізу оңай болған жоқ. Оның үстіне әлемде осындай санаттағы зымыран мүлдем жоқ.
ЗҚО жүйесі әуе-ғарыш шабуылдарынан қорғайды, зымыранмен жасалған шабуылды алдын алады және ғарыштық кеңістікті бақылайды.
