Анасы үшін футболды тастады

«Рубин" футбол клубының бетке ұстар ойыншысы Сердар Азмун Иран құрамасынан кетті. Ауру анасын күтімі үшін. Бұл жайында 23 жастағы инрандық спортшы Instagram әлеуметтік желісіндегі өзінің парақшасында мәлім етті. Бір жағында ауру анасы, екінші жағында спорттағы мансабы, екеуінің бірін таңдау оған оғайға түспегенін де жасырмаған. Әлбетте, жасыл алаңда өз елінің намысын қорғау екінің бірінің қолынан келе бермейтін мәртебе. Оған жүрек керек. Алайда, ата-анаға қарасуды алдыңғы орынға қоятын мұсылманға тән әрекетке барғаны тек жанкүйерлерін ғана емес, сонымен қатар, өзгелерді де толқытты.