Жүрек үшін пайдалы кофе мөлшері анықталды
Дюссельдорфтағы Генрих Гейн университетінің неміс ғалымдары кофені үнемі тұтыну жүрек-тамыр жүйесінің клеткаларын зақымнан қорғап, митохондрияның қызметін жақсартатынын анықтады.Бұл туралы MedicalXpress сайтында хабарланды, деп жазады Stan.kzақпараттық агенттігі.
Зерттеушілер күніне төрт кесе кофе ішетін адамдардың қорғаныш әсеріне қол жеткізгенін анықтады. Кофейин тамырлардың ішкі бетін орайтын эндотелий жасушаларының қызметін жақсартады. Бұл механизмдегі негізгі рөлдердің бірін клеткалық циклды тоқтатуға қатысатын p27 деп аталатын ақуыз атқарады.
Жүрек-тамыр жүйесіндегі жасушалардың барлық негізгі түрлерінің митохондрияларында р27 ақуызының бар екені көрсетілген. Бұл ақуыз жүрек бұлшықетінің жасушаларын өлімнен қорғап, фибробласттардың (дәнекер тінінің жасушаларын) контактілі талшықтары бар жасушаларға айналуын тудырады. Кофеин р27 ақуызының митохондрияға белсенді түсуін тудырады. Сондай-ақ, ғалымдар көрсеткендей, кофеин ұзақ өмір сүрген және семіздіктен зардап шегетін кеміргіштерде жүрек зақымдану қаупін азайтады.
Stan.kz
