Немістер жұма намазына азан шақыруға рұқсат етті
Германияда жұма күні молдаларға мешіт мұнарасына шығып азан шақыруына рұқсат етілді. Бұған дейін ел аумағында тек аудио жазба арқылы азан үнін тыңдау мүмкін еді, деп хабарлайды Exspress Qazaqstan.
Ең бірінше боп азан шақыруға мүмкіндік жасаған Германияның батысында орналасқан ең ірі мегаполис — Кельн қаласы, деп жазады Іnosmi агенттігі. Бұл Кельн қаласының басшылығы тарапынан мұсылмандарға көрсетіліп отырған құрметтің белгісі. Бұдан былай Кельн азаншылары жұма күні сағат 12:00 мен 15:00 аралығында әр 5 минут сайын мұнараға шығып азан шақыратын болады,— дейді қала мэрінің баспасөз хатшысы Катя Реутерова ханым.
Бүгінгі таңда Германияда 5,5 миллион мұсылман тұрады. Үш мыңнан аса мешіті бар неміс жерінде ең алғашқы азан 1985 жылы Дюрен қалашығында шақырылған.
