Әлемде коронавирустың тағы бір штаммы таралуда
Оңтүстік Кореяда коронавирустың тағы бір жаңа штаммы таралуда. Дәрігерлер Mu-штаммды үш адам жұқтырғанын мәлімдеді, деп хабарлайды Stan.kz ақпарат агенттіггі.
Кореяның ауруларды бақылау және алдын алу департаментінің өкілдері науқастардың үшеуі де індетті сырттан жұқтырып келгенін жеткізді. Ауру жұқтырғандар – Мексикадан, АҚШ-тан және Колумбиядан келген иммигранттар.
Өз кезегінде биліктегілер коронавирустың жаңа штаммының таралып кетпеуі үшін тиісті шаралар қабылданатынын мәлім етті.
Айта кетсек, Mu-штамм 2021 жылы Колумбияда анықталған. Бұған дейін ДДСҰ вакциналарға төзімді штаммдар бар екенін хабарлаған болатын. Қазіргі таңда бұл вирустың түрі Еуропа мен Оңтүстік Америка елдерінде таралған.
