Ел астанасы Афина маңынан ондаған құстың өлі денесі табылды. Олар ащы түтінге тұншығып, тоқ сымдарға соғылып, жан тапсыруда. Жарақат алғандарына мамандар көмек көрсетуде. Дегелектер осы уақытта Африкаға қарай ұшады. Естеріңізге сала кетейік, Грекияда бірнеше күннен бері орман өртеніп жатыр. Соңғы 10 күнде 56 мыңнан астам гектар отқа оранған. Мария Ганоти, жануарларды қорғаушы: - Құстар электр желісіне соғылып, тоққа түсіп, өліп жатыр. Бізде бұрын-соңды мұншама көп дегелек қырылып көрген емес. Тұрғындар кемтар болып қалған құстарды бізге әкеліп жатыр. Оларды емдеп, қатарға қосамыз. Орман өртінен Якутия да зардап шегуде. От тұрғын үйлерге дейін жақындап, тұрғындардың үрейін ұшырып отыр. Билік аймақта төтенше жағдай режимін енгізді. Қою қара түтін мен тұманның кесірінен әуежайларда 50-ден астам рейстер кейінге шегерілді.