Орман өрті: Грекияда мыңдаған адам эвакуацияланды
Орман өрті салдарынан Грекияның әйгілі Эвбея аралынан 2 мыңнан астам адам қауіпсіз жерге көшірілді. Бұл туралы ҚазАқпарат ВВС агенттігіне сілтеме жасап хабарлайды.Эвбея аралындағы туристері мен тұрғындар паромдармен материкке қарай шығарылды. Аралда үйлер өртеніп, электр желілері бұзылған. Қазіргі кезде бүкіл Грекия бойынша бірнеше орман өрті өршіп тұр. Оларды сөндіру операцияларына демалыс күндері жүздеген өрт сөндіруші, әскери қызметкерлер, сондай-ақ 17 ұшақ пен тікұшақ жұмылдырылған.
