Қазалы Qazaly.kz ақпараттық агенттігі
» » Италияда нәсілшілдікке қарсы шеру өтті

Италияда нәсілшілдікке қарсы шеру өтті

 
  Италиядағы Флоренция қаласында нәсілшілдікке қарсы бейбіт шеру өтті, деп хабарлайды Baq.kz ақпарат агенттігі iz.ru сайтына сілтеме жасап.
   Наразылық акциясына 10 мыңға жуық адам қатысқан. Олар «Италияда нәсілшілдік тоқтасын», «Бір-бірімізді құрметтейік» деп ұрандатты. Айта кетейік, көпшіліктің шеруге шығуына бесінші наурызда болған қайғылы оқиға себеп болған. Сол күні қолына тапанша ұстаған 64 жастағы итальян азаматы Сенегалдан келген саудагерге 6 рет оқ атып, мерт қылды. Полиция өкілдерінің айтуынша, оқиғаның нәсілшілдікке қатысы жоқ, өйткені оқ атқан Роберто Пирроне қарызға белшесінен батып, күйзеліске ұшыраған. Ақыры өз-өзіне қол жұмсамақ болып, батылы жетпеген соң көзіне көрінген кездейсоқ адамға оқ жаудырған.
   «Нәсілшілдікке қарсы екенімді көрсету үшін шеруге арнайы келдім. Менің ойымша, осы нәсілшілдік көзқарастар билік басындағы саясаткерлерден басталды. Енді, міне, ақыры адам өліміне әкелді. Таңертең жұмысқа барарда кешке үйге аман келемін бе, келмеймін бе деген үреймен шығамын», - дейді шеруге қатысушы Альфред Меца.

Baq.kz
11 наурыз 2018 ж. 1 274 0

Жаңалықтар мұрағаты

«    Сәуір 2024    »
ДсСсСрБсЖмСбЖс
1234567
891011121314
15161718192021
22232425262728
2930