Ресейде алаяқтар жоқ мемлекеттің төлқұжатын сатып келген
Ресейдің Санкт-Петербург қаласында әлемде жоқ мемлекеттің төлқұжатын сатумен айналысып келген қылмыстық топ ұсталды. Бұл туралы РФ ІІМ баспасөз хатшысы Ирина Волк мәлімдеді.
"Әлемде жоқ мемлекет Кариб теңізі аралдарының бірінде орналасқан мемлекет ретінде таныстырылып, паспорт сатушылардың бірі өзін сол мемлекеттегі Ресей консулымын деп таныстырған. Қылмыстық топтың әзірге 4 мүшесі ұсталған. Жасанды паспорттар мен сол мемлекетке баруға жолдама құжаттар баспанасыз және Ресейдегі құжатсыз мигранттарға 10-15 мың рубльге сатылып келген" - деп жазады Азаттықтың қырғыз редакциясы.
Baq.kz
