Адамды қажытып жіберетін, стресске душар ететін істен аулақ болыңыз. Әйтпегенде кортизол гормоны бөлініп, ұйқы қашады. Оның орнына адамды сергітетін іспен айналысып, қарапайым ережелерді сақтаңыз:

– ұйқыға бір сағат қалғанда смартфон қолданбаңыз;

– телефонды авиарежимге қойыңыз;

– жұмысты ойламауға тырысыңыз;

– жақындарыңызбен уақыт өткізіңіз;

– жайлы ұйқыға қамданыңыз.

“Өзіңізге смартфон сияқты қараңыз: қуатыңыз толмайынша ұйықтап алыңыз”, – деп кеңес береді The Huffington Post басылымының негізін қалаушы Арианна Хаффингтон. Біздің ұйқымыз қанып жүрсе, есте сақтау қабілетіміз жақсара түседі, стресс пен депрессияға төзімді боламыз және өміріміз ұзара түседі.

Америкалық ойшыл Ральф Уолдо Эмерсон айтқандай, өзіңізге сенім арту – жетістіктің кілті. Ал сенім өзіңізге уәде беріп, соны орындағанда ғана нығая түседі. Белгіленген уақытта тұру-тұрмау деген таңертеңгі уәде күннің сәтті-сәтсіз өтетініне әсер етеді.

Далаға немесе басқа бөлмеге кетіп қалыңыз. Қалыпты ортаны ауыстыру адамға қуат береді, себебі біздің миымыз жаңа нәрсенің бәріне құмар.

Таңертең – алдағы күнді жоспарлауға ең сәтті уақыт. Бұл кезде біздің миымыз шығармашылыққа ұмтылып тұрады. Мұндайда медитация жасап, бүкіл ойыңызды жинақтаңыз. Күніңізді қалай өткізетініңізді елестетіңіз.

Спортзалда жаттығыңыз немесе жай ғана жаяу жүріңіз. Сол арада аудиокітап, подкаст немесе шабыт беретін музыка тыңдаңыз. Сонда қимыл-қозғалыс адамды сергітіп, ми жұмысқа құлшынып тұрады.

Таңертең Е витамині көп азық тұтыну керек. Ол адамның когнитив қабілетін арттырады. Күш сыйлайтын 4 пайдалы таңғы ас.

8. Ең маңызды, қиын істі бітіріп тастаңыз

Марк Твен айтқандай, егер таңертең құрбақаны тірідей жеп қойсаңыз, күні бойы одан қиын, одан нашар ештеңе болмайды. Өзге адамдар енді керіліп-созылып жатқанда күрделі деген істі бітіріп тастаңыз.