Неке медиация тәртібімен сақталды
Қазалы аудандық сотымен талап қоюшы А.-ның жауапкер Д.-ға қойған неке бұзу туралы азаматтық ісі қаралды.Талап қоюшы А., өзінің талап арызында, жауапкер Д.-мен заңды некеде тұрғанын, алайда, жауапкермен мінездері жараспағандықтан, отбасын сақтауға мүмкіндік жоқтығын көрсеткен.
Алдын-ала сот отырысы барысында, тараптар жанжалды медиация тәртібімен реттеу туралы жазбаша өтініш түсірген.
Сот ұйғарымымен талап қоюшы А. мен жауапкер Д. екеуінің араларындағы некені бұзу туралы азаматтық іс бойынша медиация тәртібімен реттелген келісімі бекітіліп, аталған азаматтық іс бойынша тараптардың медиация тәртібімен келісімге келуін сот бекітуіне байланысты іс жүргізу тоқтатылды, сондай-ақ, бюджетке төленген мемлекеттік баж талап қоюшы А.-ға қайтарылды.
Сот ұйғарымы заңды күшіне енген жоқ.
Қазалы аудандық сотының баспасөз қызметі
