Түйенің де ақысы болады
Алла елшісі (с.а.с.) ансарлардың бірінің бақшасына барып, онда бір түйе тұрғанын көреді. Түйе Пайғамбарымызды (с.а.с.) көрісімен-ақ, дереу ыңырсып, көзі жасқа толады. Пайғамбарымыз (с.а.с.) түйенің жанына барып, құлақтарының артын мейіріммен сипайды. Сонда түйе тыныштала қалады. Осыған орай, Хазіреті Пайғамбар (с.а.с.):- Мына түйе кімдікі? Иесі кім? – деп сұрайды. Мәдиналық бір жас жігіт келіп:
- Бұл түйе менікі ғой, ей, Алланың елшісі! – дейді. Пайғамбар (с.а.с.):
- Саған Алла сыйға берген мына жануардың ақысы туралы Алладан қорықпайсың ба? Ол маған, сенің оны аштан-аш тастап, көп шаршататыныңды айтып шағымданды, - деді.
Осынау оқиғадан қарасаңыз, кез келген тіршілік иесінің ақысы болатынын көруге болады. Сондықтан да біз ешкімнің де, тіпті еш нәрсенің де ақысын жемеуге тырысайық!
mazhab.kz
