Елімізде демалыс күндері жаңбыр күтіледі
Алдағы демалыс күндері еліміздің біраз аймағында күн райы ала бұлттанады.Кей жерлерде найзағай ойнап, жаңбыр жаууы мүмкін. «Мәселен, Алматы мен Жамбыл облыстарында күн күркіреп, нөсерлі жауын болуы ықтимал», - дейді синоптиктер. Сенбі және жексенбіде ауа температурасы түнде +9 градусқа дейін төмендейді. Жел екпіні секундына 23 метрге дейін күшейіп, тау етегіндегі аудандарда бұршақ жауады. «Республиканың солтүстік және шығыс аймағында да жауын-шашын күтілмейді, бірақ тұман түседі», - дейді метеорологтар.
Қазақстанда сынап бағаны күндіз +22 +25 ті көрсетеді. Оңтүстік пен оңтүстік-батыста күн ашық болады. Қызылорда облысында құмды дауыл тұруы мүмкін.
