Димаш Құдайберген Мәскеуде екінші жеке концертін береді
Димаш Құдайберген Мәскеуде екінші жеке концерті өтетіні туралы жариялап, жанкүйерлерін іс-шараға шақырды.Жанкүйерлеріне арналған бейнеүнддеу орындаушының Instagram желісіндегі парақшасында жарияланды.
"Қымбатты достар! Сіздерді қуана-қуана Мәскеуде, 2020 жылы 9 наурызда "Мегаспорт" аренасында өтетін өзімнің концертіме шақырамын. Бұл көңілді, креативті және сезімге толы болады! Сіздерді көктемнің алғашқы мерекелік күндері Мәскеуде болатын өзімнің шоуыма шақырамын", - делінген орыс, ағылшын және қытай тілдерінде жарияланған хабарламада.
Еске сала кетсек, Мәскеуде 22 наурызда Мемлекеттік Кремль сарайында Димаштың бірінші жеке концерті өткен еді.
Таяуда Димаш Санкт-Петербургта лық толы зал жинады. Одан кейін ол жанкүйерлерін Нью-Йоркта 10 желтоқсанда өтетін концертіне шақырған болатын.
Сондай-ақ қазақстандық әнші 25 наурыз күні Прагада концерт беруді жоспарлап отыр.
