БАЛАЛЫҚ ШАҒЫМНЫҢ АСПАНЫ

Қараша айының 30 күні Әйтеке би кенті әкімі аппаратының «Кенттік клубы» мемлекеттік коммуналдық қазыналық кәсіпорнының ұйымдастыруымен Қазақстан Республикасының Тұңғыш Президенті Күніне орай мәдени шара өтіп, «Балалық шағымның аспаны» атты фильмі көрсетілді.
Шара Ұлы Қазақ даласының көшбасшысы, түркі халқының арда ақсақалы Н.Ә.Назарбаевтың елі мен жері үшін жасаған ерен еңбектері мен сарабдал саясатын насихаттаудан бастау алды. Әсем әндер шырқалды.
Одан әрі, мәдени шараға жиналған оқушыларға викториналық сұрақтар қойылды. Елбасының туған жылы, туған жері, мамандығы сияқты сұрақтарға балалар белсенді жауап беріп отырды.
Жиын соңында Тұңғыш Президенттің балалық шағы мен өмір жолы жайында түсірілген Рүстем Әбдірашовтің «Балалық шағымның аспаны» фильмін көрермен назарына ұсынылды. Тәрбие мен тағылымға толы фильмді ауданымыздың мектептерінен жиналған оқушылар тамашалады.