Сыр бойының намысын қорғамақ
«Bussiness Lady Qazaqstan» ЖШС кәсіпкер әйелдер арасында республикалық конкурс ұйымдастыруда. Конкурстың бірінші кезеңі әр аймақта өтті. Аймақаралық конкурс жеңімпаздары енді Астана төрінде ақтық сында бақ сынамақ.Айта кетелік, биылғы жылдың маусым айында өткен конкурстың облыстық кезеңінде 9 кәсіпкер әйелдер арасынан оза шыққан «АВ» кулинарлық студиясының иесі Айгүл Бурамбаева енді республикалық конкурстың финалында Сыр елі намысын қорғайды.
Сырбойылық кәсіпкер нан өнімдерін, түрлі тәттілер пісірумен айналысады. Шағын кулинарлық студиясында онға жуық адамды жұмыспен қамтыған кәсіпкер көпшілікті тәтті өнімдерімен баурап алды.
Қараша айының 30 күні Астанадағы Жастар сарайында өтетін конкурста өз кәсібін көрсететін Айгүл Бурамбаеваға сәттілік тілейміз.
syrboyi.kz
