Қазан айында қазақстандықтар қанша күн демалады
Қазан айының соңында қазақстандықтарды қатарынан үш күндік демалыс күтіп тұр. Бұл Республика күніне байланысты.
25 қазан – елімізде ұлттық мереке ретінде атап өтілетін Республика күні. Биыл мерекелік күн жексенбіге сәйкес келеді. Қолданыстағы заңнамаға сәйкес, демалыс күндерімен тұспа-тұс келген мереке күніндегі демалыс келесі жұмыс күніне ауыстырылады, деп хабарлайды Jambylinfo.kz
Осыған байланысты бес күндік жұмыс аптасындағы азаматтар 24, 25 және 26 қазан күндері демалады. Яғни сенбі мен жексенбіге дүйсенбі күнгі ауыстырылған демалыс қосылады.
Республика күнінің тарихи маңызы да ерекше. 1990 жылғы 25 қазанда Қазақ КСР Жоғарғы Кеңесі Қазақстанның мемлекеттік егемендігі туралы Декларацияны қабылдаған. Ал 2022 жылдан бастап 25 қазан қайтадан ұлттық мереке мәртебесіне ие болды.
Алты күндік жұмыс аптасындағылар үшін демалыс тәртібі өзгеше. Олар үшін 24 қазан – жұмыс күні. Сондықтан бұл санаттағы азаматтар үш күн қатарынан демалмайды.
