Синоптиктер Астана мен Алматы тұрғындарына ескерту жасады

Pixabay.com
«Қазгидромет» РМК синоптиктері қолайсыз метеорологиялық жағдай туралы ескертті, деп хабарлайды Ulysmedia.kz.

Толығырақ
Синоптиктердің мәліметінше, 7 қыркүйекте Павлодар мен Алматыда, ал түнде Қарағанды, Жезқазған, Балқаш, Теміртау, Өскемен, Семей, Атырау және Астанада қолайсыз метеорологиялық жағдай болжанып отыр.
Анықтама
Мұндай кезде атмосферада зиянды заттардың шоғырлануы артып, ауа сапасы нашарлауы мүмкін.
Тұрғындарға келесі сақтық шараларын ұстану ұсынылады:

• Далада, әсіресе, автожолдар мен өндірістік аймақтар маңында ұзақ уақыт жүрмеу;
• Балалар мен жүкті әйелдерге далада ұзақ серуендеуден бас тарту;
• Созылмалы тыныс алу жолдары, жүрек-қан тамырлары және аллергиялық аурулары бар адамдарға қажетті дәрі-дәрмектерді өзімен бірге алып жүру;
• Далада физикалық белсенділікті шектеу, спортпен ғимараттарда айналысу.