Синоптиктер Астана және Алматы тұрғындарына ескерту жасады
Фото: Pixabay.comСиноптиктер 28 наурыз күні Қазақстанның бірнеше қаласында ауа сапасының нашарлауы мүмкін екенін ескертті, деп хабарлайды Ulysmedia.kz.
ТОЛЫҒЫРАҚ
"Қазгидромет" мәліметінше, қолайсыз метеорологиялық жағдайлар Алматы, Астана және Павлодар қалаларында күтіледі.
АНЫҚТАМА
Мұндай кезде атмосферада зиянды заттардың шоғырлануы артып, ауа сапасы нашарлауы мүмкін.
Тұрғындарға келесі сақтық шараларын ұстану ұсынылады:
- Далада, әсіресе, автожолдар мен өндірістік аймақтар маңында ұзақ уақыт жүрмеу;
- Балалар мен жүкті әйелдерге далада ұзақ серуендеуден бас тарту;
- Созылмалы тыныс алу жолдары, жүрек-қан тамырлары және аллергиялық аурулары бар адамдарға қажетті дәрі-дәрмектерді өзімен бірге алып жүру;
- Далада физикалық белсенділікті шектеу, спортпен ғимараттарда айналысу.
