Қытайда Қазақстанмен шекара маңында жер сілкінісі болды

Google Maps скриншотыҚытай аумағында Қазақстан шекарасына жақын маңда магнитудасы 4,1 болатын жер сілкінісі болды. Жер асты дүмпулері 1 қыркүйек күні кешке тіркелді, деп хабарлайды Tengrinews.kz.
Қазақстан ұлттық деректер орталығының жедел мәліметтері бойынша, жер сілкінісі 1 қыркүйекте Астана уақытымен 22:58-де (Гринвич бойынша 17:58) болды. Жер сілкінісінің магнитудасы 4,1-ді, энергетикалық класы 9,6-ны құрады.
Картаға сүйенсек, жер сілкінісінің эпицентрі Алматыдан солтүстік-шығысқа қарай шамамен 405 шақырым жерде орналасқан.
Қазақстан аумағында жер асты дүмпулерінің сезілгені туралы ақпарат жоқ.
Еске сала кетейік, 24 тамыз күні кешке Алматыдан оңтүстік-шығысқа қарай 257 шақырым жерде жер сілкінісі болды. Жер асты дүмпулерінің есептелген қарқындылығы Шығыс Қазақстан облысының Үлкен Нарын ауылында 2 балды құрады.