Қырғызстанда түнде жер сілкінісі болды
Скриншот Google КартаҚырғызстанда түнде жер сілкінісі болды, - деп хабарлайды Tengrinews.kz.
Қазақстан ГЗИ ҰЯО Ұлттық деректер орталығы мәліметінше, 20 қарашада Астана уақытымен 03:53-те Қырғызстан аумағында жер сілкінісі тіркелді. Жер асты дүмпулерінің магнитудасы - 4,6.
Қазақстан ТЖМ мәліметінше, жер сілкінісінің эпицентрі Қырғызстан аумағында, Алматыдан оңтүстік-батысқа қарай 689 шақырым қашықтықта орналасқан. Қазақстан аумағында жер асты дүмпулері сезілмеген.
Еске салайық, 5 қарашада таңертең Алматы облысы мен Алматы қаласында жер сілкінісі болды. Жер сілкінісінің эпицентрі Қазақстан аумағында, Алматыдан шығысқа қарай 33 шақырым жерде орналасқан. Мегаполисте жер асты дүмпулері 3 балл шамасында, ал Талғарда 4 баллға дейін сезілген еді.
