Қазалылықтар Құрылтай сайлауында белсенділік танытуда
Қазалы ауданында бүгін 39 сайлау учаскесі жұмыс істеп тұр. Мұнда 47 515 дауыс беруші тіркелген.Тұрғындар таңғы сағат 7.00-ден бастап өз таңдауларын жасап, белсенділік танытуда.
Таңертеңнен бастап аудан орталығындағы әрбір сайлау учаскесінің алдында халық қарасы қалың. Олардың барлығы да Құрылтай сайлауында өз таңдауларын жасауға асығуда.
Елімізде өткізілетін саяси науқандардан қалмай дауыс беретін аудан тұрғындарының қатарында медицина саласының ардагері Сержан Берденұлы да бар. Бұл жолғы саяси науқанға денсаулығына байланысты бара алмаған ақсақалдың шаңырағына сайлау учаскесінің мүшелері арнайы жәшік пен бюллетеньді апарып, дауыс беруге мүмкіндік жасады.
Ақсақал Құрылтай сайлауы елдің қоғамдық-саяси өміріндегі маңызды қадам екенін айтып, барша ел азаматтарын саяси науқаннан қалыс қалмау керектігін жетуізді.Учаске мүшелері ардагерге құрмет көрсетіп, иығына шапан жапты.
