Жастар таңдауы: Бекарыс алғаш рет дауыс берді
Құрылтай сайлауы – әр азаматтың ел болашағына қатысты таңдауын білдіретін маңызды саяси науқан. Бүгін еліміз бойынша сайлау учаскелерінде дауыс беру қызу жүріп жатыр. Солардың бірі – №82 сайлау учаскесі.Бұл күні сайлау учаскесіне алғаш рет дауыс беруге келгендердің қатарында Бекарыс Серіков те бар. Ол – өзінің азаматтық құқығын алғаш рет пайдаланып, ел тарихындағы жаңа саяси кезеңде өз таңдауын жасады.
«Бүгін алғаш рет дауыс беріп отырмын. Бұл мен үшін ерекше сезім. Өз таңдауымды жасап, еліміздің болашағына өз үлесімді қосқым келеді», – дейді Бекарыс Серіков.
