Барлық өңірде ауа райына байланысты ескерту жасалды

Фото: depositphotos.com

Атырау облысының солтүстігінде түнде және таңертең тұман түседі. Облыс бойынша өрт қаупі өте жоғары деңгейде сақталады. Атырау қаласында да төтенше өрт қаупі бар.

Қарағанды облысының батысында өткінші жаңбыр жауып, найзағай ойнайды, ал солтүстігі мен шығысында жаңбыр күтіледі. Батыс, солтүстік және шығыс аудандарда жел екпіні секундына 15–20 метрге дейін күшейеді. Облыстың басым бөлігінде өрт қаупі жоғары, ал батысы, шығысы мен оңтүстігінде өте жоғары деңгейде сақталады. Қарағандыда күндіз өткінші жаңбыр жауып, найзағай ойнайды, жел екпіні секундына 15 метрге жетеді. Өрт қаупі жоғары.

Ұлытау облысының солтүстігі мен шығысында түнде және таңертең өткінші жаңбыр жауып, найзағай ойнайды. Оңтүстік, шығыс және орталық аудандарда жел секундына 15–20 метрге дейін күшейеді. Облыс бойынша өрт қаупі төтенше деңгейде. Жезқазғанда таңертең және күндіз жел екпіні секундына 15–20 метрге жетеді.

Жетісу облысының солтүстігі, шығысы және таулы аудандарында өткінші жаңбыр жауып, найзағай ойнайды. Шығыс пен таулы аймақтарда жел екпіні секундына 15–20 метрге дейін күшейеді. Күндіз ауа температурасы +35...+39 градусқа дейін көтеріледі. Облыстың басым бөлігінде өрт қаупі төтенше, оңтүстігінде жоғары деңгейде. Талдықорғанда күндіз +37...+39 градус ыстық болады.

Маңғыстау облысының орталығында жел екпіні секундына 15–20 метрге жетеді. Облыстың батысында өрт қаупі төтенше деңгейге көтеріледі, солтүстік-шығысы мен орталығында да жоғары қауіп сақталады. Ақтауда да өрт қаупі өте жоғары.

Астанада кей уақытта жаңбыр жауып, найзағай ойнайды. Күндіз бұршақ түсіп, дауылды жел соғуы мүмкін. Жел екпіні секундына 15–20 метрге дейін жетеді. Өрт қаупі жоғары деңгейде сақталады.

Ақмола облысында жаңбыр мен найзағай күтіледі. Түнде солтүстігінде қатты жаңбыр жауады, ал күндіз солтүстік пен шығыста нөсер, бұршақ және дауылды жел болуы мүмкін. Батыс аудандарда шаңды дауыл соғады. Батыс, солтүстік және шығыста жел екпіні секундына 15–20 метрге жетеді. Облыс бойынша өрт қаупі жоғары, батысы мен орталығында төтенше деңгейде. Көкшетауда түнде және таңертең жаңбыр жауып, найзағай ойнайды.

Жамбыл облысының таулы аудандарында күндіз өткінші жаңбыр жауып, найзағай ойнайды. Таңертең және күндіз оңтүстік-батыс, солтүстік-шығыс және таулы жерлерде жел секундына 15–20 метрге дейін күшейеді. Күндіз ауа температурасы +38...+40 градусқа дейін жетеді. Облыстың басым бөлігінде өрт қаупі төтенше, шығысы мен оңтүстігінде жоғары деңгейде. Таразда күндіз жел екпіні секундына 15–20 метр болады.

Ақтөбе облысының батысы, солтүстігі мен шығысында күндіз жел екпіні секундына 15–20 метрге жетеді. Облыстың орталығында өрт қаупі жоғары, ал жалпы өңір бойынша төтенше деңгей сақталады. Ақтөбеде жел секундына 15–18 метрге дейін күшеюі мүмкін.

Батыс Қазақстан облысының солтүстігі мен шығысында түнде және таңертең тұман түседі. Күндіз солтүстік, шығыс және оңтүстік аудандарда жел екпіні секундына 15–20 метрге жетеді. Облыстың басым бөлігінде өрт қаупі төтенше, батысы мен солтүстігінде жоғары деңгейде. Оралда да түнде және таңертең тұман болады.

Алматыда күндіз ауа температурасы +35...+37 градусқа дейін көтеріледі. Өрт қаупі жоғары деңгейде сақталады. Іле Алатауының тауларында, сондай-ақ Медеу және Бостандық аудандарының таулы бөлігінде күндіз өткінші жаңбыр жауып, найзағай ойнайды, жел секундына 15–20 метрге дейін күшейеді.

Алматы облысының таулы аудандарында күндіз өткінші жаңбыр жауып, найзағай ойнайды. Солтүстік, оңтүстік және таулы жерлерде жел екпіні секундына 15–20 метрге жетеді. Күндіз +35...+38 градус ыстық болады. Батыс, солтүстік және шығыс аудандарда өрт қаупі төтенше, оңтүстік пен орталықта жоғары деңгейде. Қонаевта күндіз +36...+38 градус ыстық болады.

Шығыс Қазақстан облысының солтүстігі, шығысы мен оңтүстігінде түнде жаңбыр жауып, найзағай ойнайды. Күндіз де жаңбыр мен найзағай күтіледі, батыс, солтүстік және оңтүстікте бұршақ пен дауылды жел болуы мүмкін. Жел екпіні секундына 15–20 метрге, күндіз кей жерлерде 23 метрге дейін жетеді. Ауа температурасы +35...+37 градусқа дейін көтеріледі. Облыс бойынша өрт қаупі жоғары, оңтүстігінде төтенше деңгейде. Өскеменде жаңбыр жауып, найзағай ойнайды, күндіз бұршақ пен дауылды жел болуы мүмкін. Жел екпіні секундына 15–18 метрге жетеді, ауа температурасы +35 градус болады.

Абай облысының батысы, шығысы мен оңтүстігінде күндіз жаңбыр, найзағай, бұршақ және дауылды жел күтіледі. Жел секундына 15–20 метрге, күндіз кей жерлерде 23 метрге дейін күшеюі мүмкін. Ауа температурасы +35...+38 градусқа дейін барады. Облыс бойынша өрт қаупі жоғары, оңтүстігі мен орталығында төтенше деңгейде. Семейде күндіз +35 градус ыстық болады.

Қостанай облысының солтүстігі мен шығысында таңертең және күндіз жаңбыр жауып, найзағай ойнайды. Батысы мен солтүстігінде түнде және таңертең тұман түседі. Күндіз батыс, солтүстік және шығыс аудандарда жел секундына 15–20 метрге дейін күшейеді. Облыс бойынша өрт қаупі жоғары, ал оңтүстік, оңтүстік-шығыс және орталық аудандарда төтенше деңгейде.

Қызылорда облысының орталығында түнде шаңды дауыл соғып, жел екпіні секундына 15–20 метрге жетеді. Облыс бойынша өрт қаупі төтенше деңгейде. Қызылорда қаласында да өте жоғары өрт қаупі сақталады.

Павлодар облысында күндіз жаңбыр жауып, найзағай ойнайды. Батыс пен оңтүстікте бұршақ түсіп, дауылды жел соғуы мүмкін. Батыс, оңтүстік және орталық аудандарда жел секундына 15–20 метрге дейін күшейеді. Облыс бойынша өрт қаупі жоғары, орталығында төтенше деңгейге жетеді. Павлодарда күндіз жаңбыр мен найзағай күтіледі, жел екпіні секундына 15–20 метр болады.

Солтүстік Қазақстан облысында түнде жаңбыр жауып, найзағай ойнайды. Солтүстік, шығыс және оңтүстікте қатты жаңбыр, бұршақ пен дауылды жел болуы мүмкін. Күндіз батыс пен шығыста жаңбыр, найзағай, бұршақ және дауылды жел күтіледі. Батыс пен солтүстікте түнде және таңертең тұман түседі. Жел түнде секундына 15–20 метрге, кей жерлерде 23–28 метрге дейін күшейеді. Күндіз де жел екпіні 15–20 метрге, ал батыс пен шығыста 23–28 метрге дейін жетуі ықтимал. Батыс, солтүстік және оңтүстік аудандарда өрт қаупі жоғары. Петропавлда түнде жаңбыр, найзағай, бұршақ және дауылды жел күтіледі, түнде және таңертең тұман түседі. Жел екпіні секундына 15–20 метр, түнде 25 метрге дейін жетуі мүмкін.

Шымкентте өрт қаупі төтенше деңгейде сақталады.

Түркістан облысының таулы аудандарында күндіз өткінші жаңбыр жауып, найзағай ойнап, дауылды жел соғуы мүмкін. Батыс пен солтүстікте шаңды дауыл күтіледі. Батыс, солтүстік және таулы аудандарда жел екпіні секундына 15–20 метрге жетеді. Күндіз ауа температурасы +40 градусқа дейін көтеріледі. Облыс бойынша өрт қаупі төтенше деңгейде. Түркістан қаласында күндіз жел секундына 15–20 метрге дейін күшейіп, ауа температурасы +40 градус болады.