Бүгін шетел валютасы қанша теңгеден саудаланып жатыр
Фото: istockphotoАстана мен Алматыдағы ақша айырбастау орындарында шетел валюталарының жаңартылған бағамы жарияланды.
Kurs.kz деректеріне сәйкес, елордадағы айырбастау пункттерінде АҚШ доллары 465,31 теңгеден сатып алынып, 472,27 теңгеден сатылып жатыр.
Еуроның сатып алу бағамы – 534,03 теңге, сату бағамы – 544,03 теңге. Ресей рублі 5,50–5,70 теңге аралығында айырбасталса, Қытай юані 68,83 теңгеден сатып алынып, 73,02 теңгеден сатылуда.
Ал Алматыдағы ақша айырбастау орындарында доллардың сатып алу бағамы 468,64 теңгені, сату бағамы 470,80 теңгені құрайды.
Еуро 538,75 теңгеден сатып алынып, 543,96 теңгеден сатылуда. Рубльдің бағамы 5,52–5,66 теңге аралығында болса, юань 68,66–71,15 теңге аралығында саудаланып жатыр.
