Тамыз айынан бастап Қызылордадағы ХҚКО-ның кезекші мекенжайлары өзгереді
1 тамыздан бастап Қызылордадағы кезекші Халыққа қызмет көрсету орталығының (ХҚКО) мекенжайлары өзгереді. Енді қала тұрғындары Ғ.Мұратбаев көшесі, 2Е жаңа мекенжайы бойынша қабылданады.
Осы кезге дейін кезекші ХҚКО Астана даңғылы, 46 мекенжайында орналасқан болатын. Жаңа мекенжайға ауыстыру азаматтарға қызмет көрсетуді жаңа ғимаратта ұйымдастыру мақсатында жүзеге асырылуда. Ал Астана даңғылындағы цифрлық ХҚКО бұрынғыдай 09:00-ден 18:00-ге дейін жұмысын жалғастырады.
Айта кетейік, кезекші ХҚКО-ның жұмыс кестесі өзгеріссіз қалады. Жұмыс күндері орталық 09:00-ден 20:00-ге дейін жұмыс істейді, бұл азаматтарға мемлекеттік қызметтерді негізгі жұмыс уақытынан кейін де алуға мүмкіндік береді. Сенбі күні қабылдау 09:00-ден 13:00-ге дейін жүргізіледі.
Өзгеріс тек кезекші ХҚКО-ның мекенжайына қатысты. Мемлекеттік қызметтерді көрсету тәртібі мен жұмыс кестесі бұрынғыдай сақталады.
