Бір күнде төрт өңірде орман өртенді
Мамандар өрт қаупі жоғары кезеңде тұрғындарды, табиғат аясында демалушыларды және орман пайдаланушыларды өрт қауіпсіздігі ережелерін қатаң сақтауға шақырды.
Өрт оқиғалары Павлодар облысында, Наурызым мемлекеттік табиғи қорығында, "Баянауыл" мемлекеттік ұлттық табиғи паркінде және "Семей орманы" мемлекеттік орман табиғи резерватында болған.
Өрт ошақтары "Қазавиаорманқорғау" РМК-ның әуе патрульдеуі, ерте анықтау жүйелері және мемлекеттік орман күзетінің бақылауы арқылы дер кезінде анықтаған.
- Жедел қабылданған шаралардың нәтижесінде барлық өрт қысқа мерзім ішінде толықтай сөндірілді. Өртті ауыздықтауға мемлекеттік орман күзеті қызметкерлері, "Қазавиаорманқорғау" РМК-ның әуе өрт сөндіру десанттары, тікұшақтары мен арнайы техникасы жұмылдырылды, - делінген ведомствоныңхабарламасында.
