Коллекционер сыйы: Қазақстандағы ең ірі жеке коллекция қалай қалыптасты?
Бұл үміт пен тәуекелге толы кезең және ұлттық болмыстың ізденісі туралы фильм. 1960-жылдары, «жылымық» дәуірінде Қазақстанда бүгінде «алпысыншы жылдар буыны» деп аталатын ерекше суретшілер пайда болды. Олар соцреализм қалыптарынан бас тартып, өздерінің төл, жанды әрі ұлттық тілінде сөйлеуді жөн көрді.
Бұл видеода біз меценат, Almaty Museum Of Arts негізін қалаушы Нұрлан Смағұловтың коллекциясындағы Сэрэнджаб Балданоның ең алғашқы ағаш маскасынан бастап, жүздеген үздік туындының басын қосқан ауқымды «Қонақтар» (Qonaqtar) көрмесінің ашылуына дейінгі жолды бірге жүріп өтеміз. Сіз бүгінде 700-ден астам жұмысты құрайтын бұл айрықша коллекцияның қалай жиналғанын және қазақстандық шеберлердің жұмыстары Лондон мен Израильден елге қандай жолдармен қайтарылғанын білесіздер.
Фильмге қатысқаны үшін Камилла Ли, Ескен Сергебаев, Амантай Нұржұмаев, Валерия Ибраева, Амандос Ақанаев, Азат Тәбиев, Дәурен Досмағамбетов, Зәуреш Сыдыханова, Баян Барманқұлова, Юрий Маркович пен Ричард Спунерге шын жүректен алғыс айтамыз.
Фильм режиссері — кинодокументалист, журналист әрі продюсер Андрей Лошак. Идея авторы - Ляззат Әлжанова, продюсерлері - Ира Филиппова мен Зарина Ахматова.
