Партия филиалында тақырыптық қабылдау өтті

Бүгін аудандық партия филиалында жер телімдерін табыстау және тұрғын үй-коммуналдық шаруашылық мәселелері бойынша тақырыптық қабылдау өтті.

Қабылдауға Әйтеке би кенті әкімінің орынбасары Уәлихан Ықыласов, аудандық ауылшаруашылығы және жер қатынастары бөлімінің сектор меңгерушісі Мереке Ысқақ және аудандық партия филиалының консультанты Алтынай Кенжалиева қатысты.

Қабылдау барысында тұрғындар тарапынан ауылшаруашылығы мақсатында пайдалануға жер алу, көшелерді жарықтандыру, көпқабатты тұрғын үйлердің шатырын жөндеу мәселелері көтерілді.

Әрбір тұрғынның өтініші мұқият тыңдалып, заң талаптарына сәйкес түсіндірмелер беріліп, тиісті шешу жолдары ұсынылды