Қазақстанда биыл көпқабатты 650 тұрғын үй жөнделеді
Қазақстанда тұрғын үй қорын жаңарту бойынша жүйелі жұмыс жалғасып жатыр
Фото: istockphoto.com
Өнеркәсіп және құрылыс министрлігі биыл көпқабатты 650 тұрғын үйге жөндеу жүргізетін болды, деп хабарлайды Azattyq Rýhy.
Соңғы үш жыл ішінде Қазақстанда көппәтерлі тұрғын үйлерді жаңғырту және реновациялау бойынша кешенді шаралар жүзеге асырылып келеді. Бұл шаралар азаматтардың тұрмыс жағдайын жақсартуға және қалалық инфрақұрылымды жаңартуға бағытталған.
«Аталған шараларды іске асыру тұрғын үйлердің қауіпсіздігін арттыруға, олардың пайдалану мерзімін ұзартуға және қалалық заманауи, жайлы ортаны қалыптастыруға ықпал етеді», – делінген хабарламада.
Сонымен қатар тұрғын үй қорын жаңарту аясында 2026 жылы 650 көппәтерлі тұрғын үйге жөндеу жұмыстарын жүргізу жоспарланып отыр.
