28 наурыз Қазақстанда 1 сағатқа жарық өшеді
Фото: Pixabay.com28 наурыз күні кешке Қазақстан жаһандық "Жер сағаты" науқанына 17-рет қосылады. Бұл туралы Stan.kz ақпарат агенттігі хабарлайды.
Бүгін сағат 20:30-да бүкіл ел бойынша әкімшілік ғимараттар мен көрікті жерлердегі сәндік жарық бір сағатқа өшіріледі.
Бұл іс-шара символикалық сипатқа ие.
"Оның мақсаты – климаттың өзгеруіне және ресурстарды жауапкершілікпен тұтынуға назар аудару", – делінген хабарламада.
Ұйымдастырушылар қазақстандықтарды бастаманы қолдауға және 28 наурызда сағат 20:30-дан 21:30-ға дейін үйлеріндегі шамдар мен электр құрылғыларын өшіруге шақырады.
