«Ұлттық киім – ұлт мақтанышы» атты шара өтті
Бүгін Қазалы аграрлы - техникалық колледжінде «Наурызнама» онкүндігі аясында 18 наурыз - Ұлттық киім күніне орай қазақ халқының бабадан қалған киім мәдениетін жаңғырту, жастарға таныту мақсатында «ҰЛТТЫҚ КИІМ – ҰЛТ МАҚТАНЫШЫ» атты ұлттық киімдер шеруі өткізілді.Шара барысында студенттер мен ұстаздар қазақтың дәстүрлі киім үлгілерін насихаттап, олардың тарихы мен маңызына тоқталды. Сән көрсетілімінде ұлттық нақыштағы камзол, шапан, сәукеле, кимешек секілді киімдер көпшілік назарына ұсынылып, әрбір бұйымның өзіндік ерекшелігі кеңінен таныстырылды.
Іс-шарада сөз алғандар ұлттық киім – халқымыздың рухани болмысы мен мәдениетінің айнасы екенін атап өтіп, оны дәріптеу – әрбір азаматтың парызы екенін жеткізді. Жастардың ұлттық құндылықтарға деген қызығушылығы артып, ата-баба мұрасына құрметпен қарауға үндейтін тағылымды шара болды.
