ҚАЗАЛЫ АУДАНЫНДА САЯСИ ДОДА ДА, БЕЛСЕНДІЛІК БӘСЕҢДЕГЕН ЖОҚ
Қазалы ауданында республикалық референдум аясындағы дауыс беру науқаны жоғары белсенділікпен жалғасуда. Күн еңкейгеніне қарамастан, тұрғындар өз учаскелеріне келіп, ел болашағына қатысты маңызды саяси науқанда өз таңдауларын жасауда.
Аудан бойынша референдум учаскелерінде дауыс беру заң талаптарына сай, ашық әрі ұйымдасқан түрде өтуде. Комиссия мүшелері мен бақылаушылар үдерістің талапқа сәйкес өтуін қамтамасыз етуде.
Айта кетейік, референдум учаскелері кешкі 20:00-ге дейін жұмыс істейді. Осы уақытқа дейін тіркелген барлық азаматтар келіп, өз конституциялық құқықтарын пайдаланып, дауыс бере алады.
Еліміздің ертеңіне бейжай қарамайтын қазалылықтар саяси науқанда белсенділік танытып, ортақ іске өз үлестерін қосуда.
