№66 РЕФЕРЕНДУМ УЧАСКЕСІНДЕГІ ЭТНОАУЫЛ ДАУЫС БЕРУШІЛЕРГЕ ӘЛІ ДЕ ЫҚЫЛАС КӨРСЕТУДЕ

Қазалы қаласындағы Қазалы аграрлы-техникалық колледжінде орналасқан №66 референдум учаскесінде ұлттық нақыштағы этноауыл ұйымдастырылып, дауыс беруге келген тұрғындарға ерекше көңіл-күй сыйлауда.

Учаске аумағында киіз үй тігіліп, қазанға бауырсақ пісіріліп, келушілерге ұсынылды. Ұлттық дәстүрді дәріптеген бұл бастама тұрғындардың ризашылығын тудырып, саяси науқанға мерекелік сипат берді.

Сондай-ақ өнерпаздар халық әндерін орындап, күй тартып, жиналған жұртшылыққа әсем өнерлерін тарту етті.


Осылайша №66 референдум учаскесінде дауыс беру үдерісі ұлттық құндылықтармен үндесіп, ұйымшылдық пен ауызбіршіліктің жарқын көрінісіне айналды.