ТУҒАН КҮН ИЕСІ ӨЗ ТАҢДАУЫН ЖАСАДЫ
№90 сайлау учаскесінде бүгін туған күнін атап өтіп жатқан Шалабай Роза Базарбайқызы өз таңдауын жасап, азаматтық белсенділігін танытты.
Референдум учаскесіне келген туған күн иесіне учаске мүшелері арнайы құттықтау айтып, шағын сыйлықтарын табыстады.
Роза Базарбайқызы үшін бұл күн ерекше мәнге ие. Өйткені оның туған күні еліміздегі маңызды саяси науқанмен тұспа-тұс келіп отыр. Ол бүгінгі күннің өзі үшін ұмытылмас сәт болып қалатынын айтып, ел болашағына бейжай қарамай, дауыс беру – әр азаматтың парызы екенін жеткізді.
