Қазақстанда 10 миллионға жуық әйел бар
Фото: PinterestКөктемнің алғашқы күндеріндегі мерекелердің бірі – 8 наурыз мерекесі. Ал осы мереке қарсаңында Ұлттық статистика бюросы 10 миллион әйел бар екенін мәлімдеді, деп хабарлайды Orda.kz.
Әйелдердің жасы бойынша үлесі:
- 0-15 жас – 29,1%
- 16-60 жас – 55,5%
- 61 жастан жоғары – 15,4%
Аймақтар бойынша әйелдердің ең көп саны:
- Алматы қаласы – 1,2 млн
- Түркістан облысы – 1 млн
- Астана қаласы – 803,5 мың
- Алматы облысы – 778,5 мың
Әйелдердің орташа жасы – 34,1 жас болса, өмір сүру ұзақтығы – 79,4 жыл. Жұмыспен қамтылған халық арасындағы әйелдердің үлесі – 48% (4,4 млн әйел) Жалдамалы жұмысшылар арасындағы үлес – 50%. Өз бетінше жұмыспен қамтылғандар арасындағы үлес – 45%.
Жұмыспен қамтылған әйелдердің жалпы санындағы жұмыс істейтін салалардағы үлесі:
- Білім – 20%
- Сауда – 19%
- Денсаулық сақтау – 10%.
Жеке кәсіпкерлер арасындағы әйелдердің үлесі – 50,8%, ал жұмыс істейтін әйелдер арасында 35-44 жас аралығындағылардың саны ең көп – 1,3 миллион әйел.
