Қысқы Олимпиаданың жабылу салтанатын қайдан көруге болады
Бүгін, 22-нен 23 ақпанға қараған түні Италияның Верона қаласында 2026 жылғы XXV қысқы Олимпиада ойындарының жабылу салтанаты өтеді, деп жазады inbusiness.kz сайты.
Фото: Сали Сабиров, Қазақстан ҰОК баспасөз қызметіТікелей трансляция Қазақстан уақыты бойынша 23:45-те басталады және "Qazaqstan", "Qazsport" және "Хабар" телеарналарынан көрсетіледі.
Іс-шара көне "Арена ди Верона" амфитеатрында өтеді.
Италияның Милан және Кортина-д’Ампеццо қалаларында өткен Олимпиада "Beauty in Action" ("Қозғалыстағы сұлулық") атты шоуымен аяқталады.
Жабылу салтанатына дәстүр бойынша барлық қатысушы елдердің делегациялары, оның ішінде Қазақстан да қатысады – спортшылар аренадан салтанатты түрде өтеді. Бұл Олимпиадада Қазақстан құрамасының сапында 36 спортшы өнер көрсетті, олар спорттың 10 түрі бойынша жарысқа қатысты.
Жабылу рәсімі 2030 жылғы қысқы Олимпиаданың астанасы – Француз Альпілеріне олимпиадалық туды тапсырумен аяқталады.
