Маңызды мәселелер – жиынның өзегі
Отбасы орталығында «Отбасы құндылықтары және Конституция» тақырыбында дөңгелек үстел өтті. Шара мақсаты – отбасы институтының қоғамдағы стратегиялық маңызын кеңінен талқылау, ҚР Конституциясында бекітілген отбасы, ана, әке және баланы қорғау жөніндегі нормалар мен қағидаттарды түсіндіру, ұлттық және жалпыадамзаттық құндылықтарды насихаттау, сондай-ақ отбасы тәрбиесі арқылы азаматтық жауапкершілік пен құқықтық мәдениетті қалыптастыруға ықпал ету.✅Келелі жиында қалалық мәслихат депутаты, заң ғылымдарының кандидаты М.Қылышбайқызы және саясаттанушы, тарих ғылымдарының магистрі, зерттеуші-педагог Э.Нұрпейісова сөз сөйлеп, конституциялық реформаға қатысты кәсіби тұжырымдарын ортаға салды. Қызылорда медициналық жоғары колледж студенттерінің қатысуымен өткен шара барысында белсенді пікір алмасу орын алып, референдумның маңызы кеңінен талқыланды. Сондай-ақ, 15 наурызда өтетін республикалық референдумға қатысу әрбір азаматтың ел болашағына деген саналы көзқарасының көрінісі екені атап өтіліп, қоғам өкілдері жаңа Конституцияны қолдауға шақырды.
