Қазалы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің мемлекеттік әлеуметтік тапсырысы шеңберінде «Қазақ соқырлар қоғамы» қоғамдық бірлестігінің «Қазалы» корпоративтік қоры және бірлестіктің Қазалы аудандық бастауыш ұйымының ұйымдастыруымен мүмкіндігі шектеулі балалар мен тұрмысы төмен отбасы балаларын қолдау мақсатында «Мектепке жол» акциясы аясындағы іс-шара өткізілді.

Он бес отбасындағы жиырма алты оқушының жасына сәйкес алынған мектеп сумкасындағы қомақты оқу құралдары балалардың жүзіне қуаныш күлкісін ұялатса, олардың ата-аналары балаларына бір сәттік болса да бақыт сыйлап, шағын да болса рухани бағалы сыйлықты табыс еткен қоғамдық және әлеуметтік сала басшыларына ризашылықтарын жеткізді.