Қазгидромет дауылды ескерту жариялады: оңтүстікте өзендер тасуы мүмкін
«Қазгидромет» РМК мамандарының мәліметінше, ел аумағының басым бөлігіне антициклон әсер етеді. Соған байланысты жауын-шашынсыз, аязды күн болады. Тек еліміздің оңтүстік-батысы, оңтүстігі мен оңтүстік-шығысында атмосфералық фронттардың өтуіне байланысты жауын-шашын (жаңбыр, қар) болып, көктайғақ күтіледі. Республика бойынша тұман түсіп, жел күшейеді.
Астанада күн құбылмалы, жауын-шашынсыз. Оңтүстік-шығыстан соғатын желдің жылдамдығы секундына 3-8 метр. Ауа температурасы түнде -26-28, күндіз -12-14 градус аяз.«Оңтүстік және оңтүстік-шығыстағы таулы аймақтарда кей уақытта қатты қар жауады деп болжанып отыр», — делінген хабарламада.
Алматыда күн құбылмалы, мезгіл-мезгіл қар жауады, тұман түсіп, көктайғақ болады. Солтүстік-шығыстан секундына 2-7 метр жылдамдықпен жел соғады. Ауа температурасы түнде -4-6 градус аяз, күндіз 0,+2 градус жылы.
Шымкентте күн құбылмалы, кей уақытта жауын-шашын (негізінен жаңбыр) болады. Көктайғақ, тұман күтіледі. Шығыстан соғатын желдің жылдамдығы секундына 7-12 метр. Ауа температурасы түнде +2+4, күндіз +7+9 градус жылы.
Еліміздің солтүстік, орталық және батыс өңірлерінің басым бөлігінде, атап айтқанда Ақмола, Ұлытау, Қарағанды, Батыс Қазақстан, Атырау, Ақтөбе, Қостанай, Солтүстік Қазақстан, Павлодар, Абай және Шығыс Қазақстан облыстарында күн жауын-шашынсыз болады.
Ал Маңғыстау, Қызылорда, Түркістан, Жамбыл, Алматы және Жетісу облыстарында қар аралас жаңбыр, таулы аймақтарда қар жаууы мүмкін.
Синоптиктер сондай-ақ маңызды ескерту жасады.
Фото: pixabay.com«Алдағы тәулікте оңтүстік пен оңтүстік-шығыстағы таулы өзендерде қатты жауын-шашын болжамына байланысты су деңгейінің көтерілуі күтіледі», — деп ескертті мамандар.
